VISITA IGLESIA AT OLD CHURCHES OF ILOCOS SUR

IKA PITONG WIKA SA PITONG HULING WIKA

"Ama, sa mga kamay mo'y ipinagtatagubilin ko ang aking espiritu!" (Lucas 23:46) "Nang mag-iikalabindalawa ng tanghali, nagdilim sa buong lupain hanggang sa ikatlo ng hapon. Nawalan ng liwanag ang araw; at ang tabing ng templo'y napunit sa gitna. Sumigaw nang malakas si Jesus, "Ama, sa mga kamay mo'y ipinagtatagubilin ko ang aking espiritu!" (Lucas 23:46)

Ang panghuling wika ay isang panalangin ng "Pagtatalaga" (prayer of commitment). Ito'y nagpapaalaala sa atin sa isang panalangin ni David na nagsasaad ng buong pagtitiwala sa kamay ng Diyos. Ito ang mababasa natin: "Kupkupin mo ako at iyong ingatan, Ang pagliligtas mo sa akin ay pakamtan; Ikaw ang aking Diyos, na tapat at tunay." (Salmo 31:5)

Sa mga sandaling iyon, mag-iikatlo ng hapon, nahati ang kurtina sa Templo. Ang kurtina ang naghihiwalay sa "Dakong Kabanalbanalan" at "Dakong Banal" (Mababasa ito sa Hebreo 9:2-3). Ang pinunong pari o ang pinakamataas na saserdote ang puwedeng pumasok sa Dakong Kabanalbanalan at ito'y minsan lamang sa isang taon. (Once a year.) At ang Dakong Banal ay siyang lugar na ginagamit ng mga pari upang ganapin nila ang kanilang mga pang-araw-araw na tungkulin. (Mababasa ito sa Hebreo 9:5-6). Nasa Dakong Kabanalbanalan ginaganap ng Punong Saserdote ang isang napakahalagang bagay. Sa Hebreo 9:7 mababasa natin ito,

"Ngunit tanging ang Dakilang Saserdote ang naka-papasok sa ikalawang bahagi, at minsan lamang sa isang taon. Siya'y may dalang dugo na inihahandog sa Diyos dahil sa mga kasalanan niya at ng mga tao, kasalanang nagawa nila nang hindi nalalaman."

Noong mamatay si Cristo, nagkaroon ng malaking pagbabago sa Templo. Mayroong pangyayari na kakaiba. Nahati ang kurtina sa loob ng Templo. Nawala na ang paghihiwalay sa loob ng Templo --- ang Dakong Kabanalbanalan at ang Dakong Banal. Ito ang ating makikita sa Hebreo 7:26-27,

"Si Jesus kung gayon, ang Dakilang Saserdoteng maka-tutugon sa ating pangangailangan. Siya'y banal, walang kapintasan o kasalanan, nahihiwalay sa mga makasalanan at mataas pa kaysa sangkalangitan. Hindi siya katulad ng ibang mga dakilang saserdote na kailangang maghandog ng mga hain araw-araw, una'y para sa sarili nilang kasalanan, at pagkatapos, para sa kasalanan ng mga tao. Minsang naghandog si Jesus --- at iya'y pangmagpakailanman--- nang ihandog niya ang kanyang sarili."

Ang pagtatalaga sa Panginoon at pagtitiwala sa Diyos ay namalas sa krus nang mamatay si Jesus. Ito ang dapat na maging pagtatalaga at pagtitiwala ng lahat ng mga mananampalataya bago sila babalik sa Diyos na lumalang sa kanilang kamatayan. Ang kahulugan ng buhay at ang lahat na gawain ay magtatapos sa diwa ng misyon ng ating Panginoon at ang banal na buhay ng mga mananampalataya.

VISITA IGLESIA AT OLD CHURCHES OF ILOCOS SUR

..

SIMBAAN A BASSIT - Vigan City

ST. WILLIAM THE HERMIT CHURCH - Masinghal, Ilocos Sur

LA VIRGEN DE MILAGROSA DE BADOC CHURCH - Badoc, Ilocos Sur

STA. MARIA CHURCH (UNESCO WORLD HERITAGE SITE)

OUR LADY OF GUADALUPE PARISH - Caoayan, Ilocos Sur

STA. LUCIA CHURCH - Sta. Lucia, Ilocos Sur

ST. AUGUSTINE CHURCH - Tagudin, Ilocos Sur

THE SHRINE OF NUESTRA SEÑORA DE LA CARIDAD AND BANTAY BELLFRY - Bantay, Ilocos Sur

SAN VICENTE CHURCH - San Vicente, Ilocos Sur

ST. PAUL METROPOLITAN CATHEDRAL - Vigan City, Ilocos Sur

ST. JOHN OF SAHAGUN CHURCH - Candon City, ilocos Sur

ST. LUCY CHURCH - Narvacan, Ilocos Sur

NATIONAL SHRINE OF SANTO CRISTO MILAGROSO "APO LAKAY" - Sinait, Ilocos Sur

ST. MARK THE APOSTLE CHURCH - Cabugao, Ilocos Sur